2023 йил давомида 6,6 млн нафар чет эл фуқаролари туристик мақсадларда Ўзбекистонга ташриф буюрган, деб хабар бермоқда Статистика агентлиги матбуот хизмати.

Ўзбекистонга келган чет эл фуқароларининг сафар мақсадлари қуйидагича:

• қариндошларни йўқлаш – 5,6 млн киши;
• дам олиш – 773,2 минг киши;
• хизмат юзасидан – 143,5 минг киши;
• тижорат – 70,4 минг киши;
• даволаниш – 61,3 минг киши;
• ўқиш мақсадида – 16,8 минг киши.

Эслатиб ўтамиз, аввалроқ Ўзбекистонга тижорат мақсадида Туркманистон, Тожикистон, Афғонистон, Туркия ва Хитойдан энг кўп хорижликлар келаётгани ҳақида маълумот берилганди.