Қорақалпоғистон Республикасининг Тахиатош туманидаги нефт базасида 8 миллиард 203 миллион сўмлик дизел камомади аниқланди. Бу ҳақда Энергетика вазирлиги матбуот хизмати хабар берди.

Маълум қилинишича, Энергетика вазирлиги ҳузуридаги «Ўзэнергоинспекция» томонидан нефт маҳсулотлари сифатини назорат қилиш бўйича ўтказилган назорат тадбири давомида Тахиатош туманидаги нефт базасида 861 минг 649 литр (8 миллиард 203 миллион сўмлик) дизел ёнилғисида камомад борлиги аниқланган.

Ҳолат юзасидан белгиланган тартибда чоралар кўриш учун тегишли ҳужжатлар ҳуқуқни муҳофаза этувчи органларга тақдим этилган.

Эслатиб ўтамиз, аввалроқ Бухородаги учта газ «заправка»да 26 миллиард сўмлик табиий газ талон-торож қилингани аниқланганди.