Ўзбекистон инсон ҳуқуқлари «Эзгулик» жамияти раиси Абдураҳмон Ташанов ўз Facebook саҳифаси орқали хабар беришича, блогер Отабек Сатторий қамоқдан манзил-колонияга ўтказилди.

Блогер 2021 йилнинг 10 май куни жиноят ишлари бўйича Сурхондарё вилояти Музработ туман суди томонидан Жиноят кодексининг 139-моддаси (туҳмат) 3-қисми «а», «г» бандлари ва 165-моддаси (товламачилик) 3-қисми «а» бандида назарда тутилган жиноятларни содир этганликда айбланганди.

Маълумот учун, Сатторийга нисбатан Жиноят кодексининг 57-моддаси (енгилроқ жазо тайинлаш) қўлланиб, 59-моддаси (бир неча жиноят содир этганлик учун жазо тайинлаш) ва 61-моддаси (жазоларни қўшишнинг ҳисоблаш қоидалари)га асосан тайинланган жазоларни қисман қўшиш йўли билан узил-кесил 6 йил 6 ой муддатга озодликдан маҳрум қилиш жазоси тайинланганди. Тайинланган жазони умумий тартибли колонияларда ўташ белгиланди.

Аввалроқ, Олий суд Отабек Сатторий иши бўйича туман судининг ҳукмини ўзгаришсиз қолдиргани ҳақида хабар берилганди.