«World Happiness Report» 18 март куни дунёнинг энг бахтли давлатлари рейтингини эълон қилди. Унда Ўзбекистон 42-ўринни эгаллади. Бу ҳақда рейтингнинг расмий саҳифасида маълум қилинди.

Хабар берилишича, рейтингга киритилган 149 мамлакат умр кўриш давомийлиги, ижтимоий қўллаб-қувватлаш, коррупция ва бошқа кўплаб кўрсаткичлар бўйича баҳоланган.  Унда биринчи ўринни кетма-кет тўртинчи маротаба Финляндия эгаллаган. Кейин поғоналардан Исландия, Дания, Швейцария, Нидерландия, Швеция, Германия, Норвегия, Янги Зеландия ва Австрия ўрин олган.

Қўшни мамлакатлардан Қозоғистон 45, Қирғизистон 67, Тожикистон 78, Туркманистон эса 97-ўринда қайд этилган. Рейтингнинг энг охирги ўринларини Руанда, Зимбабве ва Афғонистон эгаллаган.

Аввалроқ Ўзбекистоннинг глобал интернет тезлиги индексидаги ўрни маълум бўлганди. Шунингдек, Иқтисодий эркинлик индексидаги ўрни маълум қилинганди.