Ўзбекистонда 2023 йил охиригача Аи-80 бензини нархи ошмайдиган бўлди

Бу бўйича Президент қарори қабул қилинди

Президент Шавкат Мирзиёев томонидан имзоланган қарорга мувофиқ, импорт қилинадиган, маҳаллий корхоналар томонидан ишлаб чиқариладиган ва тадбиркорлик субъектлари томонидан якуний истеъмолчиларга сотиладиган Аи-80 русумли автобензин маҳсулоти учун акциз солиғини «нол» ставкада қўллаш муддати 2023 йил 31 декабрга қадар узайтирилди. Бу ҳақда Президент матбуот хизмати хабар берди.

Маълум қилинишича, бу истеъмолчиларнинг нефт маҳсулотларига бўлган талабини қондириш ҳамда нархлар барқарорлигини таъминлаш мақсадида қабул қилинган.

Мавзуга доир: «Ўзбекистонга АИ-80 импорт бензини Россия ва Қозоғистондан олиб келинмоқда» — «Ўзбекнефтгаз»

Эслатиб ўтамиз, Президент қарори билан жорий этилган ва 2022 йил 10 декабрдан бошлаб амал қилаётган Аи-80 русумли автобензин учун акциз солиғини «нол» ставкада қўллашнинг амал қилиш муддати 2023 йил 1 март куни якунига етиши керак эди.

Мавзуга доир хабарлар билан танишинг: