15:47 | 12.02.24
Ўзбекистонда фуқароларнинг машиналари сони 4 миллиондан ошди
Ўзбекистонда жисмоний шахсларга тегишли автомобиллар сони 4 020 744 тага етди. Бу – икки йил олдинги кўрсаткичдан 23 фоизга кўп. Енгил автомобиллар сони ҳар 1000 кишига 98 тани ташкил этади.
Ўзбекистонда 2024 йилнинг 1 январ ҳолатига жисмоний шахсларга тегишли бўлган автомобиллар сони 4 020 744 тани ташкил этган. Бу ҳақда Статистика агентлиги хабар берди.
Аҳолига тегишли автотранспорт воситалари:
- енгил автомобиллар – 3 759 045 та;
- юк автомобиллари – 240 917 та;
- автобуслар – 6 297 та;
- микроавтобуслар – 9 102 та;
- махсус транспортлар – 5 383 та.
Аввалроқ Ўзбекистонда бир кунда 3,4 млрд сўмлик авторақам сотилгани ҳақида хабар берилган эди.
Мавзуга доир хабарлар билан танишинг:
