Қонунчиликка кўра, ҳар йили ёшларга мўлжалланган бадиий асарлар муаллифларини рағбатлантириш мақсадида «Болалар ва ёшлар учун энг яхши китоб» танловини ташкил этиш белгиланган. Бу ҳақда Ҳуқуқий ахборот каналида маълум қилинди.

Унга кўра, танловда ғолиб деб топилган муаллифларга:

• биринчи ўрин учун — 100 миллион сўм;
• иккинчи ўрин учун — 75 миллион сўм;
• учинчи ўрин учун — 50 миллион сўм мукофот маблағлари ажратилиши белгиланган.

Аввалроқ Қорақалпоғистондаги 721 та таълим муассасасига болаларга мўлжалланган Қизил китоблар тарқатилгани ҳақида хабар берилган эди. Маълумот учун, бу китоблар Ўзбекистон Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов ташаббуси билан 40 минг нусхада нашрдан чиқарилган.