Россия президенти Владимир Путин Ўзбекистон Президенти Шавкат Мирзиёевни ўзи учун қулай вақтда Россия Федерациясига ташриф буюришни таклиф қилди. Бу ҳақда РИА Новости хабар берди.

Путин давлат ташрифи билан Ўзбекистонга келгани ҳақида хабар берилган эди. 27 май куни Мирзиёев билан Кўксарой қароргоҳида музокаралари бўлиб ўтди.

«Россия Федерацияси Президенти В.В.Путин Ўзбекистон Президенти Ш.М.Мирзиёевга ва бутун ўзбек халқига самимий қабул ва меҳмондўстлик учун миннатдорлик билдириб, Ўзбекистон Президентини бир вақтнинг ўзида Россия Федерациясига ташриф буюришни таклиф қилди. Унинг учун қулай бўлган ташриф кунлари дипломатик каналлар орқали келишиб олинади», — дейилади баёнотда.