Нуқсонли товар сотилганда истеъмолчи, агар бу ҳол шартнома тузиш пайтида айтиб ўтилмаган бўлса, ўз хоҳишига қараб қуйидагилардан бирини талаб қилишга ҳақли. Бу ҳақда Ҳуқуқий ахборот каналида маълум қилинди.

• товарни айни шундай маркали (моделли, артикулли) мақбул сифатли товарга алмаштириб бериш;
• товарни бошқа маркали (моделли, артикулли) шундай товарга алмаштириб, унинг харид нархини тегишинча қайта ҳисоб-китоб қилиш;
• товарнинг нуқсонларини бепул бартараф этиш ёки нуқсонларни бартараф этишга қилинган харажатларни қоплаш;
• харид нархини нуқсонга мутаносиб равишда камайтириш;
• шартномани бекор қилиб, кўрилган зарарни қоплаш.

Маълумот учун, Истеъмол учун хавфли товар ишлаб чиқарганлар 12 йилгача қамалиши мумкин. Президент қабул қилган қонунга кўра, истеъмолчиларнинг ҳаёти ёки соғлиғи хавфсизлиги талабларига жавоб бермайдиган товарларни ўтказиш мақсадини кўзлаб ишлаб чиқарганлик, сақлаганлик, ташиганлик ёхуд ўтказганлик, ишларни бажарганлик ёки хизматларни кўрсатганлик учун 1 йилдан 3 йилгача озодликни чеклаш ёхуд 3 йилгача озодликдан маҳрум қилиш жазоси тайинланиши мумкин.