Шавкат Мирзиёев халқ депутатлари Наманган вилоят кенгашининг навбатдан ташқари сессиясида вилоят ҳокими вазифасини бажарувчи Шавкат Абдураззoқов номзодини вилоят ҳокимлигига тавсия қилгач, унинг номзоди ҳокимликка тасдиқланди. Бу ҳақда «Bugun.uz» манбалари маълум қилди.

Хабарга кўра, Президент Шавкат Абдураззoқов турли лавозимларда ишлаб, ўзини кўрсата олганини таъкидлаган.

«Бир жойга раҳбар қўйишдан олдин уни турли лавозимларда синаб кўрамиз. Шавкат Абдураззoқов ҳам Вазирлар Маҳкамасида ишлади, Наманган тумани, Наманган шаҳрида ҳоким бўлди, ўзини кўрсатди», — деди Шавкат Мирзиёев.

Хабарда айтилишича, сессияда номзод юзасидан депутатлар ва фаолларнинг фикрлари тингланмоқда.

Мавзуга доир:

• «Наманганликлар тартиб-интизомни яхши кўради» — Шавкат Мирзиёев
• «Наманган шаҳар раҳбарларининг ишда қолиш-қолмаслиги бугун кўрадиганларимга боғлиқ» — Шавкат Мирзиёев

Эслатиб ўтамиз, аввалроқ Шавкат Мирзиёев Халқ депутатлари Наманган вилояти кенгашининг навбатдан ташқари 26-сессиясида маҳалла раисларини ёшлар орасидан сайлашни таклиф этгани ҳақида хабар берилган.