Бугун, 17 октябр куни Президент Шавкат Мирзиёев рафиқаси билан бирга Хитой президенти Си Цзинпиннинг таклифига биноан амалий ташриф билан Пекин шаҳрига келди. Бу ҳақда Президент матбуот хизмати хабар берди.

Шавкат Мирзиёев ва унинг рафиқасини фахрий қоровуллар саф торган ҳолатда «Шоуду» халқаро аэропортида ХХР фавқулодда вазиятлар вазири Ван Сянси ва бошқа расмий шахслар кутиб олган.

17-18 октябр кунлари Президент ХХР Раиси Си Цзинпин ва Хитой Халқ сиёсий маслаҳат кенгаши раиси Ван Хунин билан музокаралар ва икки томонлама учрашувлар ўтказиш режалаштирилган.

Шунингдек, Шавкат Мирзиёев «Бир макон, бир йўл» халқаро форуми очилишида иштирок этади ва ялпи сессиясида нутқ сўзлайди.

Эслатиб ўтамиз, аввалроқ, Шавкат Мирзиёев Самарқанддаги UNWTO’нинг бош саммити очилишида нутқ сўзлаганди.