17:15 | 02.03.22
Тўқаев Олмаотадаги президент қароргоҳини бузишга кўрсатма берди
Қароргоҳ январь воқеаларидан кейин қандай кўринишдалиги намойиш қилинди
Қозоғистонинг Олмаота шаҳридаги президент қароргоҳи биноси бузилади. Бу ҳақда «Tengrinews» хабар берди.
Келтирилишича, мамлакат президенти Қосим-Жўмарт Тўқаевнинг матбуот котиби Берик Уали бу бўйича маълумот берган.
«Президент қарорига кўра, январь воқеаларида бандитлар ва террорчилар томонидан вайрон қилинган ва ёқиб юборилган Олмаота шаҳридаги расмий қароргоҳ бузиб ташланади. Унинг ўрнига фуқаролар учун боғ барпо этилади», — деган Берик Уали.
Таъкидланишича, бино февраль ойи ўрталарида қуйидаги кўринишда бўлган.
Бино 1995 йилда фойдаланишга топширилган. 2022 йилда бино фасадини реконструкция қилиш режалаштирилганди.
Аввалроқ Қозоғистондаги тартибсизликларда иштирок этган экстремистик ташкилот номи эълон қилинганди. Шунингдек, январь воқеалари сабабли Қозоғистондаги тергов изоляторида 14 нафар ўзбекистонлик сақланаётгани маълум қилинган.
Мавзуга доир хабарлар билан танишинг:
