Тошкент метросида ёнғин юзага келгани ҳақида видеолар тарқалди. «Тошкент метропилитени» ДУК расмий маълумот берди.

Маълум қилинишича, бугун, 17 январ куни соат 19:30 лар атрофида Ўзбекистон йўлининг «Космонавтлар» бекатига кириб келган 40-сонли ҳаракат таркибининг вагон электр қисмида техник носозлик ҳолати кузатилган. Шу сабабли, йўловчилар ва ҳаракат хавфсизлигини таъминлаш мақсадида, йўловчилар бекатга туширилган.

Машинист томонидан белгиланган йўриқномага асосан, тезкор чора-тадбирлар кўрилиб, носозлик бартараф этилган. Бу ҳолат йўналишдаги ҳаракат жадвалига ҳеч қандай таъсир кўрсатмаган.

Аввалроқ, Тошкентда метро поезди чироқсиз ҳаракатлангани ҳақда хабар берилганди.