11:15 | 13.04.24
Тошкент шаҳридаги Бўрижар каналида чўкиб кетган эркакнинг жасадини топилди
Бўрижар каналида чўкиб кетган эркак Хитой фуқароси, она ва бола эса Россия фуқаролари бўлган.
Қутқарувчилар 10 апрель куни Тошкент шаҳрининг Чилонзор туманидаги Бўрижар каналида чўкиб кетган эркакнинг жасадини 12 апрель куни топди. Ушбу маълумотни Бош прокуратура матбуот котиби Ҳаёт Шамсутдинов Bugun.uz’га тасдиқлади.
Бош прокуратурага кўра, чўкиб кетган аёл ва бола — она ва ўғил бўлиб, Россия фуқаролари бўлган, эркак улар билан таниш бўлмаган, чўкаётганларга ёрдам бериш учун сувга тушган. Эркак Хитой фуқароси бўлган.
Ҳолат юзасидан Чилонзор тумани прокуратураси томонидан терговга қадар текширув ҳаракатлари олиб борилмоқда.
Аввалроқ, Бўрижар каналида уч киши — болали аёл ва эркак чўкиб кетгани ҳақида хабар бергандик.
Мавзуга доир хабарлар билан танишинг:
