Тошкентда 11 нафар маҳкум муддатидан олдин озод қилинди
Шунингдек, 2 кишининг жазоси ўзгартирилган.
Тошкент шаҳри Сергели туманида 11 нафар маҳбус муддатидан илгари жазодан озод қилинди. Бу ҳақда УзА хабар берди.
Қайд этилишича, Сергели туман суди томонидан сайёр қабул ўтказилган. Унда туман ички ишлар фаолиятини мувофиқлаштириш бўлими пробация рўйхатида турган ва жазо ўтаётган, «бу жараёнда меҳнатга ҳалол муносабатда бўлиб, тузалиш йўлига ўтган» 11 нафар маҳкум муддатидан илгари озод қилинган. Бундан ташқари, 2 нафар маҳбуснинг жазоси ўзгартирилган.
Эслатиб ўтамиз, 2022 йилнинг бошида Тошкент вилояти Ички ишлар бош бошқармаси пробация бўлими ҳисобида турувчи 2398 нафардан ортиқ маҳбус муддатидан аввал озод қилинганди. Шунингдек, 2023 йилнинг апрел ойида Президент Шавкат Мирзиёев Рамазон ҳайити муносабати билан 300 дан ортиқ маҳкумни афв этганди.
