ФВВ Сейсмопрогностик мониторинг Республика марказининг хабар қилишича, Тожикистонда рўй берган ер силкиниши Ўзбекистонда ҳам сезилган.

Айтилишича, зилзила бугун, 13 ноябр куни Тошкент вақти билан соат  08:34 да (Гринвич бўйича 13 ноябр соат 03:34) Тожикистонда рўй берган. Ер ости силкинишининг магнитудаси — 4,5 баллни ташкил этган. Чуқурлик 15 километр бўлиб, зилзила эпицентри Тошкентдан 293 километр жануби-ғарбда кузатилган.

Зилзила Сурхондарё вилоятининг Узун туманида сезилиб, 2 баллни ташкил этган.

Эслатиб ўтамиз, аввалроқ Бухоро вилоятининг Қоракўл туманида, кейинроқ вилоятнинг Пешку туманида ҳам ер силкиниши кузатилганди. Бундан ташқари, Марокашда 6,8 магнитудали зилзила содир бўлиб, зилзила қурбонлари сони 632 кишига етганди. Шунингдек, Ҳиндистон ва Непал чегарасида ҳам 6,4 балли зилзила кузатилганди.