Хориж манбаларининг хабар беришича, кеча, 12 ноябр куни ярим тунда Туркиянинг Бурса шаҳридаги 10 қаватли тадбиркорлик марказида кучли ёнғин содир бўлган.

Маълумотларга кўра, дастлаб марказнинг биринчи қаватида юзага келган ёнғин қисқа вақт ичида бутун бинони эгаллаб олган. Ёнғин Бурса шаҳар ҳокимияти ўт ўчириш бригадалари аралашуви билангина ўчирилган.  Аниқлик киритилишича, ёнғин нафақат бинонинг бутун конструкциясига, балки унинг ён-атрофида бўлган автомобилларга ҳам зиён етказган.

Олиб борилган тергов маълумотларида келтирилишича, ёнғин содир бўлган вақтда бинода ҳеч ким бўлмаган.

Нашрларнинг ёзишича, айни пайтда ёнғин сабаблари ўрганилмоқда. Тегишли мутахассислар эса етказилган зарар миқдорини ҳисоблаб чиқишмоқда.

Эслатиб ўтамиз, аввалроқ Тошкентдаги Ecobozor савдо мажмуаси ёнида ёнғин чиққанлиги ва пойтахтдаги ишлаб чиқариш корхонасида ёнғин содир бўлгани ҳақда хабар берилганди.