Жиддадан Олмаотага учаётган самолёт Тошкентга қўнди, деб хабар бермоқда Uzbekistan airports АЖ матбуот хизмати.

Маълум қилинишича, Флйнас авиакомпаниясининг Жидда (Саудия Арабистони) – Олмаота (Қозоғистон) йўналишида учаётган HY675 йўловчи рейси Олмаота шаҳрида ноқулай об-ҳаво шароити (туман, кўриш масофаси 200 метр) туфайли Тошкент халқаро аэропортидаги муқобил аэродромга қўнган.

Самолёт Тошкентга маҳаллий вақт билан соат 10:41 да келиб қўнди. Борт яқин соатларда ўз манзил аэропортига учиб кетиши кутилмоқда.

Эслатиб ўтамиз, аввалроқ Навоий-Москва йўналишидаги самолёт Хоразмга қўнишга мажбур бўлганди.