12:10 | 01.11.22
Сурхондарёда шифокор калтакланди
Ҳолат бўйича дастлабки терговга қадар суриштирув ишлари олиб борилмоқда
Сурхондарё вилояти Ангор тумани тиббиёт бирлашмасида уч нафар фуқаро шифокорни калтаклангани ҳақида хабар тарқалди. Ҳолат юзасидан туман ҳокимлиги расмий муносабат билдирди.
Қайд этилишича, 27 октябрь куни соат 15:20 ларда туман тиббиёт бирлашмасининг травматология бўлими шифокори Ж.Э. ва уч нафар фуқаро ўртасида жанжал келиб чиққан.
Шу ерда бўлган тиббиёт ходимлари уларни ажратган. Республика суд тиббий экспертизасининг берган хулосасига кўра, жанжал оқибатида шифокор Ж.Э. енгил тан жароҳати олган.
Ҳолат бўйича туман ички ишлар бўлими томонидан дастлабки терговга қадар суриштирув ишлари олиб борилаётгани маълум қилинди.
Аввалроқ Фарғонада тез ёрдам шифокори собиқ ички ишлар ходими томонидан калтакланганди. Шунингдек, Тошкентдаги тиббиёт марказида шифокор aёл маст бемор томонидан, Андижонда ҳам бир шифокор калтаклангани маълум қилинган. Тиббиёт ходимини калтаклаш билан боғлиқ ҳолат Жиззах вилоятида ҳам қайд этилган.
Мавзуга доир хабарлар билан танишинг:
