22:14 | 15.01.23
Непалда самолёт қулаб тушиши оқибатида йўловчиларнинг барчаси ҳалок бўлди
Непалнинг Yeti Airlines авиакомпаниясининг самолёти ҳалокатга учраши оқибатида, самолёт бортида бўлган 68 йўловчи ҳамда 4 экипаж аъзоларининг барчаси ҳалок бўлган. Маълумотларга кўра, ҳозиргача 68 нафар қурбоннинг жасади топилди. Қолган 4 кишининг жасади қидирилмоқда
Непалда Yeti Airlines авиакомпаниясига қарашли йўловчи самолёти қулаб тушди. Оқибатда барча йўловчилар ҳалок бўлди. Бу ҳақда Hindustan Times хабар қилди.
Қайд этилишича, Непал ғарбидаги Похара шаҳри яқинида Yeti Airlines авиакомпаниясига қарашли йўловчи самолёти ҳалокатга учради. Оқибатда самолёт бортида бўлган 72 кишининг барчаси ҳалок бўган. Маълум қилинишича, уларнинг 68 нафари йўловчи, 4 нафари эса экипаж аъзолари эди.
Аниқланишича, йўловчилар орасида Россия, Австралия, Франция ва Аргентина фуқаролари ҳам бўлган. Шунингдек, самолёт ҳалокатга учраган вақтда икки нафар Непал фуқароси тирик қолган, бироқ, аҳволи жуда оғир бўлган йўловчилар ҳам касалхонада тиббий ёрдам кўрсатилишига қарамай вафот этган.
Эслатиб ўтамиз, олдинроқ Россияга парвоз қилаётган Uzbekistan Airways самолётида носозлик юзага келгани ҳамда Россияда ҳарбий самолёт икки қаватли уйга қулагани ҳақида хабар берилганди.
Мавзуга доир: АҚШда бортида одамлар бўлган самолёт океанга қулаб тушди.
Мавзуга доир хабарлар билан танишинг:
