15:45 | 18.12.23
Азиз Воитов ишдан олинишидан аввал «ҳамма жойни коррупция қилгани учун» Президентдан «гап эшитган»
Bugun.uz собиқ Қишлоқ хўжалиги вазири билан боғлиқ Шавкат Мирзиёев бошчилигида ўтказилган ёпиқ селектор бўйича маълумот аниқлади.
Bugun.uz маълумотларига кўра, собиқ Қишлоқ хўжалиги вазири Азиз Воитов ишдан олинишидан аввал Шавкат Мирзиёев бошчилигида ўтказилган ёпиқ селекторда «ҳамма жойни коррупция қилгани учун» давлат раҳбаридан дакки эшитган.
Манбанинг алоҳида қайд этишича, Азиз Воитовнинг селекторда давлат раҳбаридан гап эшитиши махсус хизматлар Президентга собиқ қишлоқ хўжалиги вазири фаолияти билан боғлиқ барча ишлар ҳақида тўлиқ маълумот тақдим этганидан сўнг юз берган.
Эслатиб ўтамиз, аввалроқ Азиз Воитов ҳибсга олингани, у коррупциявий жиноятларни содир этганликда гумонланаётгани хабар қилинганди.
Мавзуга доир хабарлар билан танишинг:
