Чорсу бозоридаги 95 кг истеъмолга яроқсиз маҳсулотлар савдодан олинди. Бу ҳақда Санепидқўмита Тошкент шаҳар бошқармаси Ахборот хизмати хабар берди.

Қайд этилишича, Эски Жува деҳқон бозорининг Марказий гумбазидаги гўшт, товуқ, сут ва тузлама расталари атрофида катта тозалаш, зарарсизлантириш ва ободонлаштириш ишлари ташкиллаштирилган. Музлатгич ва совуткичлар тозалаттирилиб тартибга келтирилган.

Шунингдек, назорар тадбирлари натижасида сифати кафолатланмаган, истеъмолга яроқсиз маҳсулотлар аниқланган:

• 600 дона тухум;
• 45 кг полиз маҳсулотлари;
• 18 кг хамир маҳсулоти;
• 4 литр консерва маҳсулоти;
• 10 литр сут;
• 7 кг сузма;
• 6 кг творог;
• 5 кг қурт озиқ-овқат маҳсулотлари ўрнатилган тартибда савдодан олиниб бракераж қилинди.