Жаҳон соғлиқни сақлаш ташкилоти 33 мамлакатда болаларда келиб чиқиши номаълум бўлган гепатитни аниқлади. Бу ҳақда ташкилот сайтида хабар берилди.

Ташкилот гепатитга чалинган 920 та шубҳали ҳолатни қайд этган. 27 майда касалликнинг 270 та кузатилганди. ЖССТ 45 нафар болада трансплантацияси операциялари зарур бўлгани, 18 нафар бемор эса вафот этганини таъкидлаган.

Мутахассислар апрель ойида мазкур касалликка нима сабаб бўлаётганини прогноз қилганди. Буюк Британия соғлиқни сақлаш агентлиги касаллик «F41» деб номланган аденовирус штами сабаб келиб чиққан бўлиши мумкинлигини айтган. Болаларда гепатитнинг ривожланиши ошқозон-ичак инфекцияси белгилари билан бошланган: асосий аломатлар қорин оғриғи, диарея ва кўнгил айниши бўлган. Касалликнинг оҳирги босқичида жигар ферментлари ошишидан ташқари, болаларда сариқ касаллик ҳам кузатилган.

Аввалроқ россиялик вирусолог COVID-19 номаълум гепатитга сабаб бўлаётганини айтганди. Шунингдек, коронавирус болаларда оғир жигар касаллигига олиб келиши маълум қилинган.