Статистика агентлигининг дастлабки маълумотларига кўра, 2024 йилнинг январь-февраль ойларида Ўзбекистонда қарийб 16,2 трлн сўмлик қурилиш ишлари бажарилган.

Маълум қилмнишича, бу кўрсаткич 2023 йилнинг мос даври билан солиштирилганда 18,5 фоизга ошган.

Маълумот учун, Ўзбекистонда 2023 йил давомида қурилиш соҳасида 4 859 та янги тадбиркорлик субъектлари ташкил этилди. Сўнгги 5 йилда соҳада 30 мингдан ортиқ компаниялар фаолияти йўлга қўйилган.

Сўнгги 7 йилда 300 минг хонадонли 9 мингдан ортиқ кўп қаватли уйлар, 22 мингга яқин сервис — хизмат кўрсатиш, 12 мингта ижтимоий соҳа, 32 мингта бошқа объектлар янгидан қурилган, реконструкция қилинган.

Ўзбекистонда қурилиш-таъмирлаш ишлари учун бюджетдан ажратилаётган маблағлар қарийб 33 триллион сўмга етган ёки 2016 йилга нисбатан 5 бараварга ошган.