Ўзбекистонда 2024 йилнинг январ ойида 87 673 та ташкилот умумий қиймати 4 триллион сўмга яқин миқдордаги солиқ имтиёзларидан фойдаланган.

Шу билан бирга:

• 1 512  та корхона молиявий хизматлар бўйича 1,5 трлн сўмлик ҚҚСсиз операциялар амалга оширган;
• 2 787 та корхона 2,3 трлн сўм миқдорида ҚҚС «ноль» ставкасини қўллаган.

Солиқ турлари кесимида фойдаланилган солиқ имтиёз суммалари:

• ҚҚС – 1,3 трлн сўм;
• ер солиғи – 1,6 трлн сўм;
• мол-мулк солиғи – 750,9 млрд сўм;
• ижтимоий солиқ – 173,1 млрд сўм;
• ЖШОДС – 64,3 млрд сўм;
• сув ресурсларидан фойдаланганлик учун солиқ – 19,8 млрд сўм.

АОС – 8,4 млрд сўм.

Халқаро экспертлар хулосасига асосан, ҚҚС бўйича молиявий хизматлар ва нол ставка ҳисоби алоҳида юритилади.

Маълумот учун, солиқ тўловчининг уй-жойларни талабаларга ижарага беришдан олган даромадлари солиқдан озод этилган. Уларга даромад солиғидан 44,4 млрд сўм имтиёз қўлланилган.

Шунингдек, 2024 йил 1 июлдан Инвестициялар, саноат ва савдо вазирлиги сайтида маҳаллий ва хорижий инвесторларга берилган преференциялар ва имтиёзларнинг турлари, муддатлари, тартиби ва масъул органларни ўз ичига олган ягона реестр юритилади.