Россиянинг Украина билан чегарадош ҳудудларида 11 апрель куни 15 кун давомида террорчилик хавфининг «сариқ» — юқори даражаси жорий этилди. Бу ҳақда Курск вилояти губернатори хабар берди.

Маълум қилинишича, Курск вилояти губернатори Роман Старовойт аҳолини ҳушёр бўлишга чақирган ва «минтақада Украинадан эҳтимолий провокациялар» кутилишини айтган. У террорчиликнинг «сариқ» шкаласи иккинчи хавф даражаси эканини қайд этган. Террорчиликнинг жами учта даражаси бор: баланд — «кўк», юқори — «сариқ» ва охиргиси — «қизил».

Таъкидланишича, Курск вилоятида кузатув пунктлари ташкил этилмоқда, у ерга ҳарбийлар ва полиция жойлаштирилади, аҳоли пунктларида патруль хизмати кучайтирилади.

Аввалроқ Россия Мариуполга фосфор бомбалари ёрдамида ҳужум қилиши мумкинлиги маълум қилинганди. Шунингдек, Россиянинг Украинадаги «махсус операция»си қачон тугаши маълум бўлган.