Россиянинг Ленинград вилоятида халқаро қидирувга берилган 25 ёшли Ўзбекистон фуқароси қўлга олинди. Бу ҳақда маҳаллий нашрлар хабар берди.

Қайд этилишича, эркак вилоятнинг Тоснен тумани Телмана посёлкасида қўлга олинган. У Ўзбекистондаги «Агробанк» филиалларидан бирида менежер бўлиб ишлаган вақтда мижозларнинг банк карталаридан 70 миллион сўмдан ортиқ миқдордаги пулларни ўғирлаганликда айбланган.

Эслатиб ўтамиз, аввалроқ Бухорода ўзгаларнинг пластик карталаридан пулларни ечиб олган талаба фош қилинганди. Фарғонада ўзганинг банк картасидан 6,5 миллион сўмни ўғирлаган шахс ушланган. Шунингдек, Наманганда пластик картадан 52 миллион сўмни ноқонуний ўзлаштирган шахс қўлга олинганди.