Bugun.uz Тошкент аэропортида автобус ҳайдовчиси бошқарувни йўқотиб, А320 лайнерига бориб урилгани, натижада самолёт тумшуғига шикаст етгани ва самолётнинг парвози тўхтатилганини хабар қилганди.

Uzbekistan Airways АЖ берган расмий маълумотга кўра, Uzbekistan Airways Technics компанияси мутахассислари томонидан самолётнинг шикастланган бурун корпусини алмаштириш бўйича таъмирлаш ишлари олиб борилган.

2023 йил 18 ноябр куни самолёт парвозларига рухсат берилган. Соат 14:30да Airbus A320Neo режалаштирилган рейсларни амалга оширишни бошлаган.

«‘Ўзбекистон ҳаво йўллариʼ АК ахборот хизмати йўловчилар хавфсизлиги биринчи ўринда эканлигини эслатиб ўтади»,-дейилган муносабатда.

Аввалроқ, Тошкент – Мадина – Тошкент йўналишидаги самолётда носозлик чиққани ҳамда Москва – Тошкент йўналишида учиши керак бўлган самолёт парвози кечиктирилгани хабар қилинганди.