ИИВ Йўл ҳаракати хавфсизлиги хизматининг хабар беришича, Тошкент шаҳрида йўналишли транспорт воситаларининг ҳаракати учун мўлжалланган («А» ҳарфи чизилган) тасмаларда қоидабузарликларни қайд этувчи камералар кеча, 1 декабр кунидан бошлаб ишга тушди.

Ушбу камералар махсус ажратилган йўлакка сабабсиз ўтиб тўхтаган, ҳаракатланган, автобусларнинг ҳаракатига халақит берган, қолдириб кетилган транспорт воситаларини қайд этади. Қоидани бузганларга нисбатан белгиланган тартибда жарима қўлланилади.

Аввалроқ, Тошкентда автобуслар учун алоҳида йўлаклар ташкил этилиши айтилганди. Шунингдек, Тошкентдаги «заправка»ларда ҳам жамоат транспорти учун алоҳида йўлаклар ташкил этилиши ҳақда хабар берилганди. ЙҲХХ эса «яшил» ва «қизил» йўлаклар бўйича батафсил маълумот берганди.