Тошкент шаҳрида контейнердаги қурилиш моллари ёниб кетди. Бу ҳақда ФВВ хабар берди.

Маълум қилинишича, бугун, 17 январ куни соат 17:16 да пойтахтнинг Бектемир тумани Порлоқ кўчасида жойлашган контейнер ичидаги қурилиш моллари ёнаётганлиги тўғрисида Тошкент шаҳар Фавқулодда вазиятлар бошқармасига хабар келиб тушган.

Ёнғинга тўртта ёнғин қутқарув экипажлари соат 17:27 да етиб бориб, соат 17:44 да ўраб олинган. Соат 17:54 да ёнғин батамом ўчирилган. Ҳодиса натижасида тан жароҳати олган ва вафот этган фуқаролар йўқ. Ҳозирда ёнғиннинг келиб чиқиш сабаби ва зарар миқдори аниқланмоқда.

Аввалроқ, Тошкент метросида, Сергелидаги енгил конструкциядан қурилган дўконларда, ҳамда пойтахтдаги кафелардан бирида ёнғин содир бўлгани ҳақда хабар берилганди.