22:24 | 05.01.24
Ўзбекистонда 3,5 баллик зилзила содир бўлди
Зилзила эпицентри Наманган вилоятининг Чортоқ туманига тўғри келган.
ФВВ Сейсмопрогностик мониторинг Республика марказининг хабар қилишича, Ўзбекистонда зилзила қайд этилган. Айтилишича, зилзила бугун, 5 январ куни маҳаллий вақт билан соат 21:59 да (Гринвич бўйича 16:59 да) да рўй берган. Ер ости силкинишининг магнитудаси – 3,5 баллни ташкил этган. Чуқурлик 15 километр бўлиб, зилзила эпицентри Тошкентдан 218 километр жануби-шарқда кузатилган.
Ўзбекистон ҳудудидаги сезилиш кучи Чортоқ туманида 2-3 балл, Уйчи, Янгиқўрғон, Косонсой туманлари ва Наманган шаҳрида 2 баллни ташкил қилган.
Эслатиб ўтамиз, аввалроқ Бухоро вилоятининг Пешку туманида зилзила кузатилган эди.
Мавзуга доир хабарлар билан танишинг:
