Ўзбекистоннинг Полшадаги элчихонаси ўзбекистонлик фуқароларга қулайлик яратиш мақсадида расмий телеграм боти (@uzembassypoland_bot) ишга туширилганини маълум қилди.

«Мазкур бот узоқни яқин қилиб, сизларнинг вақтингизни тежаш ва барча консуллик ҳаракатлари бўйича батафсил маълумотни олиш имкониятини беради», — дейилади хабарда.

Эслатиб ўтамиз, аввалроқ Амирсаид Аъзамхўжаев Ўзбекистоннинг Полшадаги элчиси этиб тайинланган эди. У Полшада 2019 йилдан фавқулодда ва мухтор элчи вазифасида ишлаган Баҳром Бобоев ўрнини эгаллаганди. Шунингдек, Ўзбекистоннинг янги тайинланган элчиси Полша ташқи ишлар вазирига ишонч ёрлиқларининг нусхаларини топширгани хабар қилинганди.