16:53 | 28.10.22
Шунингдек, у Европа Иттифоқи делегациясининг Ўзбекистондаги янги офиси очилишида иштирок этади
Европа Кенгаши президенти Шарль Мишель Шавкат Мирзиёев ҳузурида «Кўксарой» қароргоҳининг Фахрий меҳмонлар хиёбонида дарахт экди. Бу ҳақда Президент матбуот хизмати хабар берди.
Маълум қилинишича, ушбу анъана Ўзбекистон—ЕИ муносабатларини янада чуқурлаштиришга қаратилган олий даражадаги музокараларнинг натижаларини мустаҳкамлайди.
Қайд этилишича, 28 октябрь куни олий мартабали меҳмон Европа Иттифоқи делегациясининг Ўзбекистондаги янги офиси очилишида иштирок этиши, Самарқанд шаҳрининг тарихий-меъморий обидалари билан танишиши кўзда тутилган. Шу билан Европа Кенгаши президенти Шарль Мишелнинг мамлакатга ташрифи якунланади.
Мавзуга доир: Шавкат Мирзиёев ва Шарль Мишель ҳар томонлама ўзаро ҳамкорликни янада мустаҳкамлашга келишиб олди
Аввалроқ Шавкат Мирзиёев Европа Кенгаши президенти Шарль Мишель билан тор доирада учрашув ўтказгани хабар қилинганди.
Мавзуга доир: Европа Кенгаши раҳбари Ўзбекистонга келди
Эслатиб ўтамиз, Шарль Мишель Қозоғистон президенти таклифига биноан Остонада 26—27-октябрь кунлари Марказий Осиё давлатлари раҳбарлари учрашувида иштирок этганди. Учрашув тугагач Ўзбекистонга йўл олиши айтилганди.
Мавзуга доир хабарлар билан танишинг: