Reuters Хитойдаги экстремал ҳаво ҳарорати мамлакатнинг шимоли-ғарбий қисмидаги Шинжон-Уйғур автоном туманидаги Санбао поселкасида қайд этилганини хабар қилмоқда. Ушбу ҳудудда 16 июл куни Целсий бўйича +52°С ҳарорат кузатилган.

Иссиқ ҳаво ҳарорати ушбу ҳудудда яна беш кун давомида кузатилиши мумкин, — дейилади хабарда.

Аввалроқ хитойлик метеорологлар июл ойининг ўртасида кузатилган 39,4°С даражадаги рекорд ҳароратни қайд қилгани маълум қилинганди.

Ҳукумат маҳаллий аҳолини уйдан чиқмасликка чақириб, шу ёзда яна табиий офатлар юз беришидан огоҳлантирмоқда.

Маълумот ўрнида, аввалги ҳарорат рекорди ҳам Хитойда қайд қилинган. Мамлакатда 2017 йилда ҳаво 50,6°С даражагача исиган.

Глобал миқёсда ҳарорат кўрсаткичлари 3 июлдан 10 июлгача бўлган вақт оралиғида рекорд даражадаги энг иссиқ ҳафта бўлганини қайд қилган. Аномал иссиқ ҳарорат АҚШ ва Жанубий Европа мамлакатларида ҳам кузатилган. Европада ҳаво рекорд +40 даражагача исиган.

Ҳусасан, Ўзбекистон ҳам 11-13 июл кунлари Эрон ва Туркманистондан кириб келган иссиқ ҳаво оқими таъсирида бўлиб, жойларда ҳаво ҳарорати максимумлари +42 даражагача, чўл ва жануб ҳудудларида ҳароратнинг юқори қиймати +45 даражагача кўтарилгани қайд қилинган.