Ўзбекистоннинг олтин заҳираси қарийб 2 тоннага камайиб, 397 тоннани ташкил этди, деб ёзади дунё олтин кенгаши расмий сайти «Gold.org».

Қайд этилишича, Ўзбекистон Марказий банкининг олтин заҳиралари 2022 йилнинг делабрь ойи бошида 2 тоннага камайиб, 397 тоннани ташкил қилди. Бу кўрсаткич 2021 йилга нисбатан 10 фоиз кўп. Бундан ташқари, мамлакат олтин савдо айланмаси бўйича энг кўп олтин сотувчи давлатлар қаторидан жой олган. Шунингдек, олтин заҳираси бўйича ҳам мамлакат Марказий осиёда етакчи саналади. Иккинчи ўриндаги Қозоғистонда 380 тонна, кейинги ўриндаги Қирғизистонда бу кўрсаткич 16 тоннани ташкил этади.

Эслатиб ўтамиз, олдинроқ Ўзбекистон олтин-валюта захиралари ҳажми 33,4 млрд долларга етгани, Ўзбекистон тоғларидаги 1 тн тупроқда қанча олтин борлиги маълум қилингани ва Ўзбекистон олтин захираларининг ўсиши бўйича дунёда бешинчи ўрин эгаллагани ҳақида хабар қилинганди.