Россиянинг Москва шаҳрида 2003 йилда туғилган Ўзбекистон фуқароси кўп қаватли уйнинг 6-қаватидан йиқилиб, омон қолди. Bugun.uz’даги маълумотларга кўра, воқеа 3 ноябр куни содир бўлган. 20 ёшли қиз соат 23: 21 да шаҳар клиник шифохонасига ётқизилган.

Унга бош мия ёпиқ жароҳати, оғир мия контузияси, қорин бўшлиғида қон кетиши, чап елка бўйни синиши ва кўкрак қафасининг тўмтоқ жароҳати ташхиси қўйилган.

Текширувдан сўнг у реанимацияга бўлимига ётқизилган. Бу ўз жонига қасд қилишга уриниш бўлиши мумкин. Ҳозирда ҳодиса сабаблари аниқланмоқда.

Эслатиб ўтамиз, аввалроқ Россияда икки ўзбекистонлик шеригининг бошини узиб олганди. Москвада эса ўзбекистонлик аёл ўзининг квартирасидан ўлик ҳолда топилганди. Санкт-Петербургда уч нафар ўзбекистонлик ишчини тупроқ босиб қолганди. Шунингдек, Екатеринбургда 26 ёшли ўзбекистонлик йигит биринчи қаватдан ертўлага йиқилиб, комага тушиб қолганди.